من
الاستاذ فهد
متري تسلمنا
هذه الرسالة
- المقالة وفيها
يختصر كل معاناة
بلدتنا مع القهر
والحرمان والهجرة
ويتذكر ايام
الفرح والعز
... ونحن نثبتها
هنا كما وصلتنا
باللغة اللبنانية
مع الف شكر للاستاذ
فهد صاحب النخوة
ورائد الاعمار
والمشاريع
في راشيا... رغم
كل التحديات
وفي أحلك الايام
*********************************************
أجراس
راشيا بدها
تدق
ولو
يا ستي الختيارة
راشيا !
وين
ولادك ؟
عم
يعلموا بجامعات
اميركا وفرنسا
وبيروت وولادك
مين عم يعملهم
؟
ولو
وين الحكما
منهن ! موزعين
بالبرازيل
, افريقيا , فرنسا
, كندا وبيروت
وولادك مين
عم يحكمهن براشيا
؟
ولو
وين الصبايا
والشباب هللي
كانت حلقة دبكتهن
يوم عيد الفصح
اكثر من مية
وخمسين وكل
جراسك عم بتدق
!
ولو
وين راحو رجالك
اللي كانوا
ما يخلوا ميت
من الضيع المجاورة
يمرق فيكي وما
يحملوه على
الراحات من
أول البلد لآخر
خراج أرضك, ولو
صرتي اليوم
ما عندك رجال
يحملوا موتاك
!
ولو
وين راحو الصبايا
والشباب اللي
كانوا يتمشوا
بضو القمر وع
البيادر وعين
بصيا!
ولو
وين راحت شيوخك
اللي كانوا
يسهروا ويشربوا
عرق عنبك الصافي
ع سطح بيت الخوري
!
ولو
هالبيوت القرميد
القديمة كانت
تستقبل الملوك
والامرا والضيوف
واليوم صارت
مراعي وخرب
وبيوت للنسناس
!
ولو
وين الاربعين
فاخورة اللي
كانت تسقي اهل
لبنان وسوريا
وفلسطين !
ولو
ما في حدا بسوق
الاحد هللي
كانت كل نهار
الأحد توزع
اللحم المشوي
على المنطقة
وجران الكبي
كانت تدق مثل
طبولة الفرح
يوم القيامة
!
ولو
وين الصبايا
الحلويين اللي
كانت وجوههن
تعكس لون الورد
وما كان يوما
في ورد بس براشيا
كانت وجوه بناتك
هني الورد !
ولو
وين حكمة شيوخك
اللي كانوا
يوزعوها على
الشباب !
وين
الشباب اللي
حملو العمدة
من كفرشوبا
لراشيا قدام
عرس القسيس
سليمان متري
ووصلوها على
الكنيسة وطلبوا
من أهل كفرشوبا
يرجعوها وما
قدروا ، وجابوا
جمل لحمل العمدة
ورجعها على
كفرشوبا !
ولو
بيمشي الانسان
بشوارعك وما
بيصبح حدا !
ولو
وين هللي قوافل
بغالن اللي
محملي زيتون
من أخر كرم الكبير
للعين !
يا
ضيعانك يا ست
الصبايا، يا
ضيعان تيناتك
وعنباتك وانتي
يا سنديانة
خميس ما حدا
عم يقيل تحتك
وانتي يا عين
بصيا ما حدا
عم يشرب ماياتك
؟
لا
لا لا تزعلي
، ولا تبكي ،
بعد فيكي رجال
وبعدك بقلوبنا
وأنشاالله
بنرجعلك وانشاالله
ما تعودي تبكي
ويبكوا ولادك
واحفادك على
ترابك. والجعود
اللي بوجهك
رح يصيروا طريق
الشرفا للسما
...
رجالك
لا تخافي عليهن
عم يبنوا طريق
المجد اللي
ربيتهن عليها
...
ولا
دك ما حنوا روسن
الا ساعة ما
بيصلوا تترضي
عليهن ...
وهني
ما حملوا بواريد
وسيوف بوجه
حدا بس حملوا
كتب واقلام
وبسمة ...
هني
ما نسيوكي ابدا
وما نسيوا ارضك
وسندياناتك
ولوزاتك والفوارة
والحرجوف والجنازل
والخللة والسنيبر
وكرم الكبير
(الكبير بقلوبهن)...
وهالناس
القلال فيكي
اليوم ، هني
خميرة قمحك
وملح عجناتك
وطيب زهراتك...
ولادك
ذنبن انن بيعرفوا
وبيفهموا اكثر
من المطلوب
، واللازم والازم
بهالايام انوا
اذا سمعت وقشعت
قصر لسانك ونيال
الاطرش والاعمى
والاخرس...
صحيح
سافر منهم ناس
لبعيد ولقريب
ولكن صورتك
محفورة بصدورهن...
ومش
رح نقبل ابدا
انوا تضلي زعلاني
منا، وبدنا
نخلي ضحكتك
تزلغط بالوديان
والجبال وبالساحات
وبضو القمر
...
وبدنا
كلنا نرجعلك
ونلبسك ثلج
قلوبنا يوم
عرسك وبدنا
نزرع أرز على
كل مداخلك ونلفن
بمناديل ستانتا
الحرير البيض
وشلحات طرابيش
جدودنا...
شايف
انوا بديت مشاعلك
تشع من بعيد
بس بدنا منك
تطولي بالك
وما تزعلي...
الله
كريم منرجعلك
...
فهد متري - راشيا
الفخار
